नेकपा (बहुमत) को विद्यार्थी सम्मेलनमा प्रहरी हस्तक्षेप, दुई दर्जन पक्राउ

धर्मेन्द्र बास्तोलाको नेतृत्वमा रहेको नेकपा (बहुमत) निकट अखिल (क्रान्तिकारी) का महासचिवसहितका नेता तथा कार्यकर्ता पक्राउ परेका छन् ।

गुल्मीको रेसुङ्गा बहुमुखी क्याम्पसमा आयोजित जिल्ला सम्मेलनमा सहभागी दुई दर्जन विद्यार्थी नेतालाई प्रहरीले गिरफ्तार गरेको छ । पक्राउ परेकामा केन्द्रीय महासचिव रुपा बुढामगरसहित दुई दर्जन विद्यार्थी नेता तथा कार्यकर्ता रहेको बताइएको छ ।

उनीहरुलाई जिल्ला प्रहरी कार्यालय गुल्मीमा राखिएको छ । प्रहरीले सम्मेलनमा सानो उमेरका विद्यार्थीलाई सहभागी गराइएकाले सोधपुछको निम्ति नियन्त्रणमा लिइएको जानकारी दिएको छ ।

तर प्रहरी स्रोतले यसअघि उक्त समूह र विद्यार्थी संगठनले जिल्लामा चन्दा आतंक मच्चाएकाले प्रहरीले सोबारे थप जानकारी र निगरानी बढाउन आज नियन्त्रणमा लिएको बताएको छ ।