भौतिक पूर्वाधार विकास मन्त्रीकी श्रीमतीमाथि किर्तेको आरोप, विशेष अदालतमा मुद्धा दर्ता

सुदूरपश्चिम प्रदेशका भौतिक पूर्वाधार विकास मन्त्री दीर्घ बहादुर सोडारीकी श्रीमतीमाथि नक्कली शैक्षिक योग्यताको प्रमाणपत्र बनाएको आरोप लागेको छ ।

कैलालीको धनगढी उपमहानगरपालिकास्थित श्री शिव माध्यमिक विद्यालय देवरियाकी शिक्षिकासमेत रहेकी मन्त्रीपत्नी गीता सोडारीले नक्कली शैक्षिक प्रमाणपत्र देखाएर जागिर खाएको भन्दै उनीविरुद्ध आज विशेष अदालतमा मुद्दा परेको छ ।

गीताले आफ्नो योग्यता ढाँटेर सरकारलाई हानिनोक्सानी र्पुयाउने काम गरेको भन्दै अख्तियार दुरुपयोग अनुसन्धान आयोगले आज मुद्दा दायर गरेको हो । उनले भारतबाट एउटै तहका दुईवटा माध्यामिक शिक्षा उत्तीर्ण गरेको प्रमाणपत्रहरु नक्कली बनाएको अख्तियारको आरोप छ ।

आरोपी गीताविरुद्ध भ्रष्टाचार निवारण ऐन २०५९ को दफा १६ को उपदफा १ बमोजिम कैद सजाय र जरिवाना गर्न अख्तियारले मागदाबी गरेको छ ।