एउटा वीरेन्द्रले अर्का वीरेन्द्रलाई घुस खुवाउन खोजेपछि…

ट्राफिक प्रहरीलाई घुस खुवाउन खोज्ने एक जना पक्राउ परेका छन् । काठमाडौँको परोपकार नजिकैको सडकमा खटिएका ट्राफिक प्रहरी नायव निरीक्षक वीरेन्द्र रायमाझीलाई पाँच सय रुपैयाँ घुस दिन खोजेको आरोपमा रौतहटका वीरेन्द्र साहलाई हिजोराति प्रहरीले नियन्त्रणमा लिएको हो ।

रायमाझीले प्र.३–०३–०१४ प ४८९७ नम्बरको मोटरसाइकल चालकको मापसे जाँच गरी कारबाही गर्ने क्रममा मोटरसाइकल पछाडि बसेका साहले नगद दिन खोजेको प्रहरीले बताएको छ ।

पक्राउ परेका उनलाई आवश्यक कारवाहीको निम्ति प्रहरी वृत्त जनसेवामा राति नै बुझाइएको छ ।