पत्नी छाडेर जहाज चढ्नै लागेका बञ्जाडे पक्राउ

अर्घाखाँचीका अन्जय बञ्जाडेलाई राष्ट्रिय मानव अधिकार आयोगको टोलीले नियन्त्रणमा लिएको छ । सलम एयर (ओभी ४२८) को उडानबाट ओमानको मस्कट जान लागेका उनलाई आज त्रिभुवन अन्तर्राष्ट्रिय विमानस्थलबाट प्रहरीको सहयोगमा मानव अधिकार आयोगको टोलीले नियन्त्रणमा लिएको हो ।

उनीमाथि हिंसाजन्य गतिविधि गरेको उजुरी परेको आयोगले जानकारी दिएको छ । २७ वर्षीय बञ्जाडेले आफ्नी श्रीमतीलाई कुटपिट गरी जबरजस्ती आफूबाट अलग्याउन खोजेको र उपचारसमेत नगरिदिएको भन्दै सासूससुराले आयोगमा उजुर दर्ता गराएका थिए ।

हाल उनलाई ललितपुरको पुल्चोलस्थित आयोगको कार्यालयमा राखिएको छ ।