२ वर्षीया छोरीको हत्या गर्ने बुबा प्रहरीको फेला

दुई वर्षीया छोरीको हत्या गरेको अभियोगमा ३३ वर्षे राजेन्द्र राईलाई प्रहरीले नियन्त्रणमा लिएको छ । ओखलढुंगाको सिद्धिचरण नगरपालिका ३ का राईले श्रीमती र काखे छोरीमाथि खुकुरी प्रहार गरेका हुन् ।

प्रहरीको अनुसार राईले सोमबार राति मादक पदार्थ सेवन गरेर २१ वर्षीया श्रीमती उषा राई र २ वर्षीया छोरी रितिका राईलाई खुकुरी प्रहार गरेका थिए । खुकुरी प्रहारबाट छोरी रितिकाको घट्नास्थलमै मृत्यु भएको हो ।

घाइते श्रीमतीको मिसन अस्पताल, ओखलढुंगामा उपचार भइरहेको प्रहरीले जनाएको छ ।