‘कलम’ चिन्हमा मतदान गर्न एकीकृत समाजवादीको अपिल

नेकपा एकीकृत समाजवादी पार्टीले सत्ता गठबन्धन दलहरुबीच भएको सहमतिबमोजिम प्रत्यक्षतर्फ गठबन्धनका साझा उम्मेदवारलाई मतदान गर्न तथा समानुपातिकतर्फ आफ्नो पार्टीको चुनाव चिन्ह ‘कलम’ मा मतदान गर्न–गराउन अपिल गरेको छ । पार्टी महासचिव डा. बेदुराम भुसालले जारी गर्नुभएको विज्ञप्तिमा उक्त अपिल गरिएको हो ।

त्यसैगरी मित्रवत् प्रतिस्पर्धा गर्ने भनिएका निर्वाचन क्षेत्रमा  समझदारी कायम गरी उम्मेदवारी निष्क्रिय पार्न निर्देशन दिइएको छ । ‘गठबन्धनका साझा उम्मेदवार रहेका कतिपय स्थानमा पार्टी टिकटबाटै उम्मेदवार बनेका कमरेडहरुलाई सम्बन्धित क्षेत्रमा समझदारी कायम गरी उम्मेदवारी निष्क्रिय गर्न निर्देशन दिइएको छ’, विज्ञप्तिमा भनिएको छ ।