प्रदर्शनपश्चात् कोणसभातिर लागे विद्यार्थी

आइतबार टिपर दुर्घटनामा परी मुत्यु भएका सबिन फुयाँलको न्यायका लागि आज काठमाडौँको त्रिचन्द्र क्याम्पसमा विरोध प्रदर्शन गरिएको छ । 
स्नातक तह तेस्रो वर्षमा अध्ययनरत फुयाँलको दुर्घटनापश्चात कुटेर विभत्स हत्या गरिएको आरोप लगाउँदै प्रदर्शनकारी आक्रोशित भएका छन् । 

उनीहरुले किटानी जाहेरी दिँदासमेत प्रशासनले लिन नमानेको बताउँदै नाराबाजी पनि गरेका छन्  ।  
प्रदर्शनमा क्याम्पसकै विद्यार्थी सागर तिमल्सिना,विशाल न्यौपानेलगायतका सय जना विद्यार्थी सँलग्न छन् । 
उनीहरुले विभिन्न प्लेकार्डसहित नाराबाजी गरेको र प्रदर्शनपश्चात् कोण सभा शुरु गरिएको जनाइएको छ ।