श्रीमतीको आँखा फुटाएर भाग्ने श्रीमानले भेटे रामधुलाई

श्रीमतीको आँखा फुटाएर फरार भएका दैलेखको महाबू गाउँपालिका-४ निवासी प्रेमसिंह  वलीमाथि निर्घात कुटपिट भएको छ।

केही दिनअगाडि श्रीमती मनिषाको आँखा फुटाएर फरार रहेका उनलाई इन्डियाको ब्याङ्लोरमै निर्घात कुटपिटबाट घाइते अवस्थामा भेटिएको उनीसँगै काम गर्ने सुवास वलीले जनआस्थासँग बताए ।

भने; "प्रेमलाई कसले कुटेको भन्ने थाहा छैन । नचिनेको मान्छेबाट एक्कासी कुटे भन्छन् । रड र पाइपले  प्रहार गर्दा जिउभरि नै नीलडाम भएको छ । टाउकोमा पनि गम्भीर चोट लागेको  छ । अहिले ब्याङ्लोरस्थित  एक अस्पतालमा उपचार भइरहेको छ ।"

उता उनका श्रीमती मनिसाले भने अझै उपचार हुन नसकेर हारगुहार गरिरहेको पारिवारिक स्रोतले जनाएको  छ ।