विश्वकप सकियो, सट्टेबाजी पक्राउको क्रम जारी
कतारमा सम्पन्न विश्वकप फुटवल–२०२२ मा सट्टेबाजी गराएको आरोपमा प्रहरीले थप एक जनालाई पक्रेको छ ।
काठमाडौंको मरूटोलबाट ४३ वर्षीय प्रविन श्रेष्ठलाई पक्राउ गरिएको उपत्यका अपराध अनुसन्धान कार्यालयले जनाएको छ ।
रसियन एप ‘वान–एक्स बेट’ मार्फत काठमाडौं–२० भीमसेनस्थान घर भएका श्रेष्ठले फुटबलमा सट्टेबाजी गराएको प्रहरीको आरोप छ । सट्टेबाजी गराउन श्रेष्ठले ह्वाट्स एप मार्फत् कुराकानी गरेको भेटिएको छ ।
श्रेष्ठले १ करोड ४ लाखभन्दा बढी कारोबार गरेको भेटिएको प्रहरीको भनाइ छ । विश्वकप फुटबल खेल अवधिभरमा यसअघि काठमाडौं उपत्यकाबाट प्रहरीले छ जनालाई पक्राउ गरेर अनुसन्धान थालेको छ ।
ट्रेन्डिङ पोस्ट
टिप्पणीहरू