दाजुले बहिनीलाई विद्यालयमै कुटे

भक्तपुरको चाँगुनारायण नगरपालिकाको एउटा विद्यालयमा अध्ययनरत दाजुले सोही विद्यालयमा अध्यनरत बहिनीलाई कुटेका छन् । स्थानीय फैढोकास्थित देवी माध्यमिक विद्यालयमा दाजुले बहिनीमाथि कुटपिट गरेका हुन् ।  

कक्षा ९ मा अध्ययनरत रामेछापको खाणदेवी गाउँंपालिका–५ घर भई हाल सोही ठाउँंमा डेरा गरी बस्ने १५ वर्षीया विनिता श्रेष्ठलाई उक्त स्कुलमा १० कक्षामा पढ्ने उनकै दाजु विनोदले कुटपिट गरेको प्रहरीले जनाएको छ ।

भक्तपुर प्रहरी परिसरका एसपी प्रजित केसीका अनुसार घटनाबारे थप बुझ्न सुडाल प्रहरी प्रभागबाट प्रहरी घटनास्थल पुगेका छन् ।