हलचोकमा नयाँ डिआईजीहरुको कुममा फूली

सशस्त्र प्रहरी बल नेपालको डीआईजीमा बढुवा भएका एसएसपीहरुको कुममा माथिल्लो पदको दर्ज्यानी चिन्ह लगाइएको छ ।

सशस्त्र प्रहरी वरिष्ठ उपरीक्षकबाट हालै सशस्त्र प्रहरी नायव महानिरीक्षक पदमा बढुवा भएका चार जनामध्ये तीन जनालाई सशस्त्र प्रहरी महानिरीक्षक राजु अर्यालले आज दर्ज्यानी चिन्ह प्रदान गर्नुभएको हो ।

डिआईजीको दर्ज्यानी चिन्हबाट सुशोभित भएकामा अन्जनीकुमार पोखरेल, दिपेन्द्र शाह र पुरुषोत्तम थापा हुन् । बढुवा भएका सुरेशकुमार श्रेष्ठ भने मुलुक बाहिर रहेका कारण कार्यक्रममा अनुपस्थित भएको बताइएको छ । उनी सशस्त्रको दक्षिण सुडानस्थित मिसनमा गत साता पुगेका हुन् ।