परिचयपत्र बनाउन सर्वसाधारणलाई जिल्ला प्रशासन, विशिष्टलाई राष्ट्रियसभा गृह
काठमाडौंमा बसोबास गर्दै आएका अन्य जिल्लाका नागरिकका लागि सरकारले उपत्यकाभित्र राष्ट्रिय परिचयपत्र विवरण दर्ता गर्ने व्यवस्था मिलाएको छ ।
राष्ट्रिय परिचयपत्र तथा पञ्जीकरण विभागले काठमाडौंबाहिरका नागरिकलाई उपत्यकाभित्र राष्ट्रिय परिचयपत्र विवरण प्रविष्ट गर्ने प्रबन्ध गरेको छ । ललितपुर र भक्तपुरबाहेक बागमती प्रदेशका सबै जिल्ला तथा मधेश प्रदेशका पर्सा र धनुषाका बासिन्दाले जिल्ला प्रशासन कार्यालय, काठमाडौंबाट यो सुविधा लिन सक्नेछन् ।
त्यस्तै, कर्णाली र सुदूरपश्चिम प्रदेशका सबै तथा मधेश प्रदेशको सप्तरी र सर्लाही जिल्लाका सेवाग्राहीहरुले जिल्ला प्रशासन कार्यालय, ललितपुरबाट सुविधा लिन सक्ने विभागले जनाएको छ । नारायणहिटी दरबार परिसरबाट प्रदेश नम्बर १, लुम्बिनी र गण्डकी प्रदेशका सबै जिल्ला र प्रदेश नम्बर २ को सिरहा, महोत्तरी, बारा र रौतहटका नागरिकले विवरण प्रविष्ट गर्ने प्रबन्ध मिलाइएको छ ।
विभागबाट नेपाल सरकार तथा मातहतका कर्मचारी, पूर्वकर्मचारी, विशिष्ट कर्मचारी तथा राष्ट्रिय सभागृहबाट राष्ट्रसेवक कर्मचारीका परिवारका सदस्यले परिचयपत्र दर्ता सेवा लिनसक्ने बताइएको छ ।
ट्रेन्डिङ पोस्ट
टिप्पणीहरू