हेटौंडामा स्कुटर र मोटरसाइकल जुध्दा दुबै चालकको निधन, पछाडि बस्नेहरु घाइते
हेटौंडामा मोटरसाइकल र स्कुटर ठोक्किँदा दुई जनाको मृत्यु भएको छ । हेटौंडा उपमहानगरपालिका–१७ हटियाको कठायत चोकमा भएको उक्त दुर्घटनामा अरु दुई जना घाइते भएका छन् ।
हेटौंडा बजारबाट ठूलदमार जाँदै गरेको बा.६४प ६६६४ नम्बरको मोटरसाइकल र विपरीत दिशाबाट आएको बा. प्र ०३–०५ प ७११ नम्बरको स्कुटर एकआपसमा ठोक्किँदा दुबै सवारीका चालकको मृत्यु भएको जिल्ला प्रहरी कार्यालय मकवानपुरले जनाएको छ ।
मृत्यु हुनेमा मोटरसाइकल चालक हेटौंडा–१८, भालुखोलाका १८ वर्षीय अर्जुन भोम्जन र स्कुटर चालक नुवाकोटको ककनी गाउँपालिका–४ की २८ वर्षीया जीना लामा हुन् । मोटरसाइकलको पछाडि बसेका हेटौंडा–१८ रामधुनीका १६ वर्षीय सुजन घलान र बागमती गाउँपालिका–८ शान्तिपुरकी २४ वर्षीया ललिता थापामगर घाइते भएका छन् ।
टिप्पणीहरू