नयाँ दिल्लीबाट माओवादी नेता फिर्ता, एकनाथ मध्यरात बाहिर
पूर्वअर्थमन्त्री तथा नेकपा माओवादी केन्द्रका उपमहासचिव जनार्दन शर्मा ३६ घण्टामा स्वदेश फर्केका छन् । शर्मा अस्ति बिहान डलर अर्बपति तथा काँग्रेस सांसद विनोद चौधरीसँगै दिल्ली गएका थिए ।
शर्मा नेपाल वायुसेवा निगमको उडानमा हिजो राति पौने ११ बजे काठमाडौं फर्केको बुझिएको छ ।
उता परिवार दलका अध्यक्ष तथा एमाले सांसद एकनाथ ढकाल गएराति पुनः मलेसियातिर उडेका छन् । मध्यरात सवा १२ बजे मलेसियन एअरलाइन्सको उडानमा उनी क्वालालम्पुर गएका हुन् । मुस्लिम आयोगका अध्यक्ष समिम मियाँ अन्सारीका निम्ति दुबई र ढकालको निम्ति क्वालालम्पुर,मनिला र सिउल पानी पँधेरो हुँदै आएको छ ।
अर्थसचिव तोयम राय पनि हिजै राति पौने १० बजे सिंगापुरबाट सिंगापुर एअरलाइन्सको उडानमा काठमाडौं आइपुगेको मन्त्रालय स्रोतले बताएको छ ।
यता पूर्वमन्त्री तथा एमाले नेता लेखराज भट्ट हिजो राति श्री एअरलाइन्सको उडानमा काठमाडौंबाट धनगढी तथा काँग्रेस नेता किशोरसिंह राठौर बुद्ध एअरको उडानमा राति पौने ८ बजे नेपालगञ्जबाट काठमाडौं आएका छन् ।
ट्रेन्डिङ पोस्ट
टिप्पणीहरू