साइकलबाट लडेर पदमलाल परमधाम
सप्तरीमा साइकल दुर्घटना हुँदा एक जनाको ज्यान गएको छ । छिन्नमस्ता गाउँपालिका–५, लोथरमका एक जेष्ठ नागरिकको आज साइकलबाट लडेर निधन भएको हो ।
छिन्नमस्ता–५ का ६९ वर्षीय पदमलाल दासको आज बिहान साइकलबाट लडेर मृत्यु भएको प्रहरीले जनाएको छ । बरही वीरपुर नहर चोकनजिक साइकलबाट लडेपछि गम्भीर घाइते भएका उनको उपचारका क्रममा निधन भएको हो ।
दुर्घटनालगत्तै उपचारको निम्ति राजविराजस्थित गजेन्द्रनारायण सिंह अस्पताल लगिएको थियो । त्यहाँबाट थप उपचारार्थ विराटनगरस्थित नर्सिङ होम पुर्याइएकोमा उपचारको क्रममा पदमलालको प्राण गएको जिल्ला प्रहरी कार्यालय सप्तरीले जनाएको छ ।
टिप्पणीहरू