आइएमई पेको ‘तिमीलाई पनि, मलाई पनि’ अफर

आइएमई डिजिटल सोलुसन लिमिटेडको आइएमई पेले ‘तिमीलाई पनि, मलाई पनि’ नयाँ अफर सार्वजनिक गरेको छ । 

अफरअन्तर्गत सेवाग्राहीले आइएमई पे वालेटबाट सोही वालेटमा रकम पठाउन वा पाउनुका साथै स्मार्टवाच हेयलोउ आरटी एलएस ०.५५ जित्ने मौका पाउनेछन् । 

त्यस्तै, चैत २९ गतेदेखि आगामी भदौ २६ गतेसम्म चल्ने अफरमा प्रत्येक महिनाको अन्त्यमा दुई जना विजेता छनौट गरिने छ । यसका साथै रकम पठाउने ग्राहकबाट एक जना र पाउने ग्राहकबाट एक जना विजेता गोलाप्रथाबाट छानिने छ । 

कम्पनीले अफर अवधिभर वालेट टु वालेट ट्रान्सफर गर्ने ग्राहकले सो पुरस्कर जित्न सक्ने समेत जानकारी दिएको छ । ग्राहकमा वालेट टु वालेट ट्रान्सफर सेवाको सहजता र महत्वबारे जानकारी प्रदान गरिएको छ । विद्युतीय भुक्तानी माध्यममार्फत् ग्राहकलाई कारोबार गर्न प्रोत्साहन गर्ने उद्देश्यले उक्त अफर सार्वजनिक गरिएको कम्पनीले जनाएको छ ।