विद्युत सर्ट भई घरमा आगो लाग्दा लाखौँको सम्पत्ति खरानी

दाङको बंगलाचुलीमा आगलागी हुँदा लाखौँको धनमालको जलेर नष्ट भएको छ । 

बंगलाचुली गाउँपालिका–५ रोकिनेडाँडाका भानु थापाको घरमा हिजो राति अकस्मात आगलागी हुँदा साढे सात लाख मूल्य बराबरको सम्पति नोक्सान भएको हो । विद्युत सर्ट भई घरमा आगो लाग्दा घर तथा घर नजिकै रहेको गोठ पूर्णरुपमा जलेर नष्ट भएको प्रहरीले बताएको छ । 

स्थानीय बासिन्दाको सहयोगमा आगलागी नियन्त्रणमा आएको र थप क्षेती हुनबाट जोगिएको बताइएको छ ।