खराब मौसमका कारण अधिकांश उडान अवरुद्ध

बिहानैदेखि परेको झरी, बादल र खराब मौसमका कारण त्रिभुवन अन्तर्राष्ट्रिय विमानस्थललगायत मुलुकका विभिन्न भागको आन्तरिक उडान अवरुद्ध भएको छ । तर, भरतपुर र पोखराको उडानमा मध्यान्हसम्म खासै समस्या नभएको जानकारी दिइएको छ ।

आज बिहान ८ बजे पोखरा प्रस्थान गर्न लागेको यतीको एउटा उडानमा केही ढिलाई भएको थियो । बिहान सिता एअरको लुक्ला उडान पनि केहीबेर ढिलो भएको बताइन्छ । १० र ११ बजे उड्न ठिक्क परेको सिता एअरको अर्को लुक्ला उडान पनि केहीबेर ढिलो भएको थियो ।

बिहान ११ बजेभन्दा अघि काठमाडौंबाट उडान भएपनि मध्यान्हपछि अवरुद्ध भएको जानकारी दिइएको छ । काठमाडौंबाट नेपालगञ्ज, धनगढी, जनकपुर, विराटनगरतर्फ हुनुपर्ने अधिकांश उडानको स्टाटसमा डिले उल्लेख छ ।