संखुवासभाको सिब्रुङमा सिम्रिक एयरको हेलिकप्टर दुर्घटना
संखुवासभाको भोटखोलामा हेलिकप्टर दुर्घटना भएको छ । भोटखोला गाउँपालिका वडा नम्बर ४ सिब्रुङमा सिम्रिक एयरको हेलिकप्टर दुर्घटना भएको हो ।
बिहानदेखि सामान ओसारिरहेको हेलिकप्टर दुर्घटना भएको गाउँपालिकाको उपाध्यक्ष सहना लामाले बताइन् । उनका अनुसार प्रहरीसहित वडा कार्यालयको टोली घटनास्थलतर्फ जाँदै छ ।
‘हामी योजना अनुगमनको क्रममा थियौं । त्यतिबेला आकाशमा उडिरहेको रातो हेलिकप्टर गुडुङगुडुङ तल झरेको देख्यौं । घटनास्थलबाट बेस्सरी धुँवा आइरहेको थियो । गाउँपालिकाको कार्यालयबाट घटनास्थल टाढा भएकाले जाने तयारीमा छौं । प्रहरीको टोली त्यता जाँदै हुनुहुन्छ । वडा कार्यालयको टोली पनि जाँदै गरेको जानकारी पाएको छौं’, उनले भनिन् ।
जिल्लामा फोनको नेटवर्क राम्रो नभएकाले घटनाबारे बुझ्न अप्ठ्यारो परिरहेको उनको भनाइ छ ।
टिप्पणीहरू