पाँचथरदेखि स्कुटर यात्रा, काभे्रपलाञ्चोकमा दुर्घटनाग्रस्त
काभ्रेपलाञ्चोकको भकुण्डेबेशीमा स्कुटर दुर्घटनामा परेको छ । नमोबुद्ध नगरपालिका ७, खोलेखेत नजिकैको विपी राजमार्गमा भएको दुर्घटनामा एक महिला र एक पुरुष घाइते भएको बताइएको छ ।
पाँचथरबाट काठमाडौंतर्फ आउँदै गरेको बा.७२ प ४७०१ नम्बरको स्कुटर सडकबाट २५ फिट तल खस्दा चालक र यात्रु दुबै घाइते भएका हुन् । उनीहरुको धुलिखेल अस्पतालमा उपचार भइरहेको प्रहरीले जनाएको छ ।
दुर्घटनामा स्कुटी चालक ६५ वर्षे बिचारी हिङमाङ र यात्रु ५० वर्षीया निर्मला हिङमाङ घाइते भएका हुन् । ढाड, घाँटी र शरीरका विभिन्न भागमा चोट लागेका बिचारीको अवस्था गम्भीर छ । निर्मलाको दाहिने गोडामा चोट लागेको अस्पतालले जनाएको छ ।
ट्रेन्डिङ पोस्ट
टिप्पणीहरू