तारा बराल धोबीखोला पुलमुनि पक्राउ

आफूलाई अभियन्ताको रुपमा चिनाउँदै आएकी तारा बराललाई प्रहरीले नियन्त्रणमा लिएको छ । उनलाई नयाँ बानेश्वरको बिजुली बजार पुलमुनिबाट पक्राउ गरिएको बताइएको छ ।

पुलमुनि मसाल बालेर सडकतर्फ जाँद गरेको अवस्थामा साँझ प्रहरीले बराल र उनको समूहलाई नियन्त्रणमा लिएको हो । नक्कली भुटानी शरणार्थी प्रकरणमा भएको भ्रष्टाचारको विरोध र दोषीहरुलाई कारवाहीको माग गर्दै उनीहरुले आज साँझ मसाल जुलुस निकाल्ने प्रयास गरेका हुन् ।

प्रहरीले सोम शर्मा, विप्लव खड्का, उद्धव बस्नेत, तारा बराल लगायत एक दर्जनले मसाल जुलुस निकाल्न खोजे पनि बरालसहित तीन जनालाई पक्राउ गरेको हो । तीनै जनालाई प्रहरी वृत्त तिनकुने लगिएको छ ।

त्यसअघि उनीहरुले भ्रष्टाचारीलाई कार्बाही गर, दलाल सरकार मुर्दावादलगायत चर्का नारा लगाएका थिए ।