सडक दुर्घटनामा सशस्त्र प्रहरी सहायक हवल्दार बिते

आज साँझ राजधानीमा भएको सडक दुर्घटनामा सशस्त्र प्रहरी बल नेपालका एक जना सहायक हवल्दारको निधन भएको छ । थानकोट, सरस्वती मन्दिर नजिकै सहायक हवल्दार उत्तमकुमार भट्ट सवार मोटरसाइकललाई ट्रकले ठक्कर दिँदा उनी गम्भीर घाइते भएको बताइन्छ । 

साढे ५ बजे दुर्घटनामा परेपछि उपचारार्थ राष्ट्रिय ट्रमा सेन्टर पुर्याइएका उनको साँझ साढे ६ बजे ज्यान गएको हो । सशस्त्र प्रहरी बलको विद्यालयमा दरबन्दी रहेका ४५ वर्षे भट्ट साेही विद्यालयमा कार्यरत थिए ।  

भट्ट धादिङको धुनिबेसी नगरपालिका ७ का स्थायी बासिन्दा रहेको बताइएको छ ।