तामाकोशीमा हामफालेकाको जिवितै उद्धार
पुलबाट तामाकोशी नदीमा हामफालेर आत्महत्या प्रयास गरेका एक जनाको सशस्त्र प्रहरी बल नेपालले जीवितै उद्धार गरेको छ । रामेछापको मन्थली नगरपालिका १, आकाशेस्थित पुलबाट हामफालेर आत्महत्या प्रयास गरेका एक जनालाई सशस्त्र टोलीले जीवितै उद्धार गरेको बताइएको छ ।
स्थानीय वडारे बस्ने २५ वर्षीय हर्कमान माझी पुलबाट हामफालेको देखेपछि सशस्त्रको आश्रीत गुल्म रामेछापबाट सशस्त्र प्रहरी नायव निरीक्षक केदार राज खड्काको कमाण्डको टोली उद्धारमा खटिएको थियो । लगतै नदीबाट बाहिर निकालेर उनको जिबितै उद्धार गरिएको हो ।
उनको मन्थली अस्पतालमा उपचार भइरहेको बताइएको छ ।
टिप्पणीहरू