प्रधानमन्त्रीको भ्रमण मिलाउन उतापनि उत्तिकै दौडधुप
प्रधानमन्त्री पुष्पकमल दाहाल प्रचण्डको भारत भ्रमणको मिति तय भइसकेको भनिएका बेला भारतका लागि नेपाली राजदूत डा. शंकर शर्माले दिल्लीमा कूटनीतिक भेटघाट थालेका छन् ।
राजदूत शर्माले आज भारतीय विदेशमन्त्री डा. एस जयशंकरसँग भेटवार्ता गरेका छन् । भेटवार्ताबारे जयशंकरले सामाजिक सञ्जाल ट्वीटरमार्फत् जानकारी दिएका हुन् ।
भेटवार्ताको तस्बिरसहित उनले आफूहरुबीच दुई देशबीचको गहिरो र बहुपक्षीय साझेदारीको बारेमा छलफल भएको उल्लेख गर्दै आगामी दिनमा यसलाई थप विस्तार गर्ने प्रतिबद्धता जनाइएको बताएका छन् ।
आगामी बुधबारदेखि प्रधानमन्त्री प्रचण्डले भारत भ्रमण गर्ने भनिए पनि दुवैतर्फबाट औपचारिक जानकारी गराइएको छैन ।
ट्रेन्डिङ पोस्ट
टिप्पणीहरू