धनगढीका विद्यालय असार १ गतेसम्म बन्द

कैलालीको धनगढी उपमहानगरपालिकाभित्रका विद्यालय थप दुई दिन बन्द हुने भएका छन् ।

मौसममा सुधार नआएपछि उपमहानगरपालिकाले थप दुई दिन विद्यालय बन्द गर्ने निर्णय गरेको हो । यसअघि गत जेष्ठ २६ गतेदेखि चार दिनका लागि गर्मी बिदा दिइएको थियो । 

तर, गर्मी अझै बढ्न थालेपछि थप दुई दिन बिदा दिइएको उपमहानगरपालिकाका प्रमुख प्रशासकीय अधिकृत रामलाल श्रेष्ठले बताए । जेष्ठ ३२ गतेदेखि असार १ गतेसम्म दुई दिन गर्मी बिदा थप गरिएको उनले बताए । 

साथै, सम्पूर्ण शिक्षक, विद्यार्थी र अभिभावकलाई गर्मी एंव लुबाट बच्नका लागि सावधानीका उपाय अवलम्बन गर्न पनि उपमहानगरले आग्रह गरेको छ ।