पूर्वमेयरको सवारी दुर्घटनामा निधन
स्याङ्जाको चापाकोट नगरपालिकाका पूर्वमेयर शिवकुमार गिरीको सवारी दुर्घटनामा निधन भएको छ । सदरमुकाम पुतलीबजारको बर्जामा भएको सवारी दुर्घटनामा उनको ज्यान गएको बताइएको छ ।
राति बालिङबाट पुतलीबजारतर्फ आउँदै गरेको अवस्थामा उनी चढेको जिप दुर्घटनामा परेको हो । बा. १५ च १७०१ नम्बरको स्कारपियो जिप दुर्घटनामा परेको प्रहरीले जनाएको छ ।
जिपले च्यापेको अवस्थामा फेला परेका गिरीको जिल्ला अस्पतालमा उपचारको क्रममा राति नै मृत्यु भएको हो । चालक सुरज नेपालीलाई प्रहरीले नियन्त्रणमा लिएको छ ।
चापाकोट नगरपालिका ४, दार्सिङ निवासी ६० वर्षे गिरी पुतलीबजारमा बस्दै आएका थिए ।
टिप्पणीहरू