पहिरोमा फसेका एक दर्जनको हेलिकप्टरबाट उद्धार
अविरल वर्षाको कारण पाँचथरको पहिरोमा फसेकाका उद्धार गरिएको छ ।
याङवरक गाउँपालिका–१, फेदीस्थित पहिरोमा फसेकाहरुलाई बिहान नेपाली सेनाको हेलिकप्टरले उद्धार गरेको हो ।
उद्धारपछि पहिरो पीडितहरुलाई च्याङथापुस्थित विष्णु माध्यमिक विद्यालय भवनमा ल्याएर सुरक्षित राखिएको बताइएको छ । उनीहरुको उद्धारमा इलाका प्रहरी कार्यालय, च्याङथापुबाट प्रहरी नायव निरीक्षक भीमराज थेबेको कमाण्डमा टोली खटिएको थियो ।
प्रहरीका अनुसार उद्धार गरिएकामा नरमाया गुरूङ, सन्दिप गुरूङ, हिमा गुरूङ, कृष्णबहादुर गुरूङ, डिकमाया गुरूङ, काजुहाङ गुरूङ, सुनिता गुरूङ छन् । त्यस्तै मनबहादुर गुरूङ, मनकुमारी गुरूङ, सुष्मा गुरूङ, पदमबहादुर खालिङ र मनमाया खालिङको पनि हेलिकोप्टरले उद्धार गरेको हो ।
टिप्पणीहरू