कान्ति लोकपथमा कार दुर्घटना, चालकको मृत्यु
कान्ति लोकपथमा भएको कार दुर्घटनामा चालकको निधन भएको छ । मकवानपुरको भीमफेदी गाउँपालिका–८, गंगटेमा कार दुर्घटनामा परेको हो ।
बीएसी–०५३७ नम्बरको कार सडकबाट तीन सय मीटर तल खसेको छ । प्रहरीका अनुसार कार चालक विवेक लामाको घटनास्थलमै मृत्यु भएको हो ।
उक्त कारमा सवार भीमफेदी गाउँपालिका–५ का ४५ वर्षीय राजकुमार बलको हेटौँडा अस्पतालमा उपचार भइरहेको छ । मृतक ३० वर्षे चालक हेटौंडा उपमहानगरपालिका ३, बसामाडीका हुन् ।
टिप्पणीहरू