पोखरा विमानस्थलमा चिनियाँ विमान अवतरण, राष्ट्रिय सभा अध्यक्ष पनि सोही उडानमा

चीन भ्रमणमा रहनुभएका राष्ट्रिय सभा अध्यक्ष गणेशप्रसाद तिमिल्सिना आज स्वदेश फर्कनुभएको छ । उहाँ चीनको सिचुआन प्रान्तको छन्तुबाट आएको सिचुआन एअरलाइन्सको चार्टर उडानमा सोझै पोखरा जानुभएको हो । 

पोखरा अन्तर्राष्ट्रिय विमानस्थलमा आज पहिलो पटक अन्तर्राष्ट्रिय उडान भएको छ । सोही क्रममा अध्यक्ष तिमिल्सिनासहित चीन भ्रमणमा रहेको नेपाली संसदीय प्रतिनिधिमण्डलका सदस्य पोखरा पुगेको बताइएको छ ।

आगामी शुक्रबार र शनिबार पोखरामा ‘नेपाल–चाइना फ्रेन्डसिप ड्रयागन बोट फेस्टिभल’ हुँदैछ । त्यसैको निम्ति छन्तुबाट पोखरा विमानस्थलमा चीनको सिचुवान एयरलाइन्सले चार्टर्ड फ्लाइट गरेको हो ।  

उडानमा १ सय ३० जना यात्रु छन् । पोखरा विमानस्थल गत जनवरी १ तारिखका दिन प्रधानमन्त्री पुष्पकमल दाहाल प्रचण्डले उद्घाटन गर्नुभएको थियो ।