कैलालीमा बस र ट्रक ठोक्कियो, १४ जना घाइते

कैलालीको घुम्नीभाकलमा बस र ट्रक ठोक्किएको छ । दुर्घटनामा पूर्वबाट पश्चिमतर्फ जाँदै गरेको सुप्रप ००१ ख २७५९ नम्बरको ट्रक र पश्चिमबाट पूर्वतर्फ आइरहेको  सुप्रप ००१ म ९०९ नम्बरको बस ठोक्किएको बताइन्छ । 

दुर्घटना घोडाघोडी नगरपालिका १० मा भएको हो । ट्रक र बस चालकसहित १४ जना घाइते भएका छन् । घाइते सबैको सुखडस्थित घोडाघोडी अस्पतालमा उपचार भइरहेको र दुर्घटनाको आवश्यक छानबिन भएको प्रहरीले जनाएको छ ।