जलहरी प्रकरण चर्किंदै गर्दा पशुपतिका पूर्व हाकिमविरुद्ध भ्रष्टाचार मुद्दा दायर
पशुपति क्षेत्र विकास कोषका तत्कालीन सदस्य सचिव डा. प्रदिप ढकालविरुद्ध विशेष अदालत काठमाडौंमा भ्रष्टाचार मुद्दा दायर भएको छ ।
ढकालले गैरकानूनी रुपमा अकुत सम्पत्ति कमाएको आरोपमा मुद्दा दायर गरिएको बताइएको छ । उनीविरुद्ध एक करोड ४४ लाख ११ हजार ७८१ रुपैयाँ बिगो मागदाबी गरिएको छ ।
उनीविरुद्ध उजुरी परेपछि २०७९ जेठ ३० गतेसम्मको सम्पत्ति छानबिन गर्ने क्रममा एक करोड ४४ लाख ७८१ रुपैयाँ बराबरको सम्पत्तिको स्रोत नखुलेको हो ।
आयोगले भ्रष्टाचार निवारण ऐन, २०५९ को दफा ४७ तथा अख्तियार दुरुपयोग अनुसन्धान आयोग ऐन, २०४७ को दफा २९ (ख) बमोजिम उक्त रकम जफत गर्न समेत मागदाबी गरेको छ ।
टिप्पणीहरू