पाल्पाका दर्जनौं स्थानमा पहिरो, सडक यातायात अवरुद्ध
अविरल वर्षापछि सिद्धार्थ राजमार्ग अवरुद्ध भएको छ । हिजो बिहानदेखि परेको पानीका कारण धेरै ठाउँमा पहिरो खसेको बताइएको छ ।
सिद्धार्थ राजमार्गमा पर्ने दोभान, सिद्धबाबा, झुम्सा, पानीमिल, कालीमाटीलगायत पाल्पाका एक दर्जनभन्दा बढी स्थानमा पहिरो खसेको छ ।
त्यसैगरी चिदीपानी धैरेनीमा लेदोसहितको पहिरो खसेको छ । जिल्ला प्रहरी कार्यालयका अनुसार लगातारको वर्षाका कारण पहिरो हटाउन सकिएको छैन ।
रम्भा गाउँपालिका–३, पिपलडाँडा सेरा र लहसुनेमा पनि ठूलो पहिरो गएको छ । आर्यभन्ज्याङ–रामपुर सडक अवरुद्ध भएको छ । तानसेनबाट गुल्मी जाने सडक पनि पहिरोका कारण अवरुद्ध भएको बताइएको छ ।
टिप्पणीहरू