अर्घाखाँचीमा पहिरोले घर पुर्यो, तीन बालबालिकाको मृत्यु
अर्घाखाँचीमा पहिरोले घर पुरेपछि तीन बालबालिकाको ज्यान गएको छ । पाणिनी गाउँपालिकामा आज बिहान ५ बजे गएको पहिरोमा ती बालबालिकाको निधन भएको हो ।
प्रहरीका अनुसार पाणिनी गाउँपालिका–१ गोवनपानी गाउँमा गंगा रास्कोटीको घर पहिरोले पुरेको छ । घरमा रहेका गंगाका तीन नातिनातिनाको ज्यान गएको हो । एक जना घाइते छन् ।
घरभित्र रहेका १० वर्षीय धनबहादुर रास्कोटी, १२ वर्षीय खुमबहादुर रास्कोटी र ११ वर्षीया मञ्जु रास्कोटीको मृत्यु भएको छ । सचिन रास्कोटी घाइते भएका छन् ।
टिप्पणीहरू