लघुवित्तको गुनासो सुन्न राष्ट्र बैंकमा छुट्टै डेस्क

बैंक तथा वित्तीय संस्थाहरुको नियमनकारी निकाय नेपाल राष्ट्र बैंकले लघुवित्तका सदस्यहरुको गुनासो सुन्न छुट्टै डेस्क स्थापना गरेको छ । 

केन्द्रीय बैंकले लघुवित्त संस्था सुपरिवेक्षण विभागमा गुनासो सुनुवाइ डेस्क शुरु गरेको हो । लघुवित्त समस्या समाधानका लागि समिति नै बनाएर अध्ययन गरिरहेको राष्ट्र बैंकले सदस्यहरुको गुनासो सुन्न र आवश्यक कारवाही गर्न यस्तो व्यवस्था गरेको बताएको छ । 

राष्ट्र बैंकका अनुसार पैसा तिर्नुनपर्ने फोन नम्बर १८१०५००००२२ मार्फत बैंकको जुनसुकै कार्यालयमा गुनासो दर्ता गर्न सकिने छ ।  

यस्तै, बैंकको अनलाइन गुनासो पोर्टलबाट वा इमलेमार्फत पनि निवेदन दर्ता गर्न सकिने जानकारी दिइएको छ ।