प्रहरी भर्ना गर्दै काठमाडौँ महानगर
काठमाडौं महानगरपालिकाले करार सेवामा नगर प्रहरी नियुक्तिका लागि दरखास्त आह्वान गरेको छ ।
आज सूचना प्रकाशित गर्दै महानगरको प्रशासन विभागले ६५ जना नगर प्रहरी जवानका लागि १५ दिनभित्र निवेदन दिन भनेको हो । विभागले सैन्य पदको अन्तिम नतिजामा उत्तीर्ण भएका तर मुख्य उम्मेदवारको सूचीमा नपरेका योग्यता क्रम सूचीअनुसार नगर प्रहरी करार सेवामा भर्ना गर्ने जनाएको छ ।
साथै, निवेदन दिनका लागि नेपाली नागरिकताको प्रमाणपत्र र प्रवेश पत्रको प्रतिलिपि चाहिने पनि सूचनामा उल्लेख गरिएको छ ।
विभागले यसबारे थप जानकारी महानगरको बेवसाइटबाट प्राप्त गर्न सक्ने पनि बताएको छ ।
ट्रेन्डिङ पोस्ट
टिप्पणीहरू