ड्रायर मेसिनमा आगो लाग्दा लाखौंको सम्पत्ति खरानी
झापाको मेचीनगरमा आगलागी हुँदा लाखौंको धनमाल जलेर नष्ट भएको छ ।
मेचीनगर नगरपालिका-१५ ज्यामिरगढीस्थित बोईभवा टिस्टेट प्रालिमा रहेको ड्रायर मेसिनमा हिजो आगलागी हुँदा उक्त क्षति भएको हो । प्रहरीका अनुसार आगलागीले एक हजार केजी चिया पत्ति, ड्रायर मेसिनलगायतका सामान जलेर नष्ट भएको छ ।
आगलगीको कारण हालसम्म खुल्न नसकेको प्रहरीले बताएको छ । यस सम्बन्धमा प्रहरीले थप जाँचबुझ गरिरहेको छ ।
टिप्पणीहरू