मृत भेटिन थाले कलाकारहरु
कलाकार सारुक ताम्राकार आफ्नै घरमा मृत अवस्थामा भेटिएका छन् । उनी गएराति रातोपुलस्थित घरको पहिलो तलामा झुण्डिएको अवस्थामा फेला परेका हुन् ।
प्रहरीका अनुसार ताम्राकारले घरको रेलिङमा नाइलनको डोरीले पासो लगाएका थिए । उनको शव त्रिभुवन शिक्षण अस्पताल, महाराजगञ्जमा राखिएको छ ।
सारुकले रानीलगायत पाँच वटा चलचित्रमा अभिनय गरेका थिए ।
यसअघि गत मंगलबार गायक, संगीतकार तथा अभिनेता रविन तामाङ बितेका थिए । परिवारका अनुसार रविनको निधन मंगलबार बेलुकी बूढानीलकण्ठस्थित घरमा भएको हो । त्यसपछि शव पोष्टमार्टमका लागि शिक्षण अस्पताल महाराजगञ्जमा लगिएको थियो ।
टिप्पणीहरू