राजमार्गमा ट्रक ठोक्किँदा आगलागी, तीन जनाको ज्यान गयो

राजमार्गमा दुई वटा ट्रक ठोक्किँदा भीषण आगलागी भएको छ । पूर्वपश्चिम राजमार्गका मनहरी गाउँपालिका ६, डिपाट सडक खण्डमा गएराति भएको दुर्घटनामा तीन जनाको मृत्यु भएको छ । 

दुईवटा ट्रक जुधेपछि लागेको आगोमा ट्रकमा सवार तीन जनाको ज्यान गएको छ । मृतकहरुको नाम र हुलिया खुलेको छैन । राति पौने २ बजे पूर्वबाट नारायणगढतर्फ गइरहेको ना. ६ ख ६६६७ नम्बरको ट्रक र विपरीत दिशाबाट हेटौंडातर्फ आइरहेको ना. ६ ख ६३१ नम्बरको ट्रक एकापसमा ठोक्किएको हो । 

दुर्घटनालगत्तै घटनास्थल पुगेपनि दमकलको सुविधा नहुँदा आगो निभाउन नसकिएको इलाका प्रहरी कार्यालय मनहरीका प्रहरी निरीक्षक कृष्णराज ढकालले बताए । ‘भनेको समयमा दमकल पाइएन, पछि २ वटा दमकल आएर बल्ल बल्ल आगो निभाइयो’, उनलृ भने, ‘भयंकर आगलागी भएका ट्रक र जलेका शवलाई निकालेपछि बिहान साढे ६ बजेदेखि राजमार्ग सुचारु भएको छ ।’