बैतडी बस दुर्घटनामा एकको मृत्यु, तीन दर्जनबढी घाइते (अपडेट)
बैतडीमा भएको बस दुर्घटनामा एक जनाको मृत्यु भएको छ भने ३८ जना घाइते भएका छन् ।
पञ्चेश्वरको कुलाउदेखि महेन्द्रनगरको लागि छुटेको लु. २ ख २०११ नम्बरको बस मेलौली–पञ्चेश्वर सडकखण्डमा दिउँसो १ बजेतिर दुर्घटना भएको हो ।
गुडिरहेको बस एक्कासी अनियन्त्रित भई सडकबाट तल खसेर भएको उक्त दुर्घटनामा एक जनाको घटनास्थलमै मृत्यु प्रहरीले जनाएको छ । प्रहरीका अनुसार मृत्यु हुनेमा पञ्चेश्वर गाउँपालिका वडा नम्बर ६ का उमेश भण्डारी हुन् ।
३८ जनामध्ये गम्भीर घाइते १६ जनालाई थप उपचारका लागि डडेलधुरा अस्पताल पठाइएको छ भने अन्यको केशरपुर प्रथामिक स्वास्थ केन्द्र मेलौलीमा उपचार भइरहेको छ ।
टिप्पणीहरू