दैलेखकी वृद्धा झाडीमा बलात्कृत, बालिकालाई फकाएर करणी गर्ने किशोर झापामा पक्राउ
झापामा ९ वर्षीया बालिका बलात्कृत भएकी छन् । गौरादह नगरपालिका-९ झमकचौकका १९ वर्षीय विवेक अधिकारीमाथि बालिका बलात्कारको आरोप लागेको हो । उनलाई प्रहरीले पक्राउ गरेको छ ।
अधिकारीले ती बालिकालाई आफ्रनै घरमा ललाई फकाई करणी गरेको उजुरीको आधारमा अस्थायी प्रहरी चौकी बैगुनधुराबाट खटिएको प्रहरी टोलीले उनलाई हिजो साँझ समातेको हो ।
यस्तै, दैलेखमा पनि ६० वर्षीया महिलालाई जबरजस्ती करणी गरेको आरोपमा एक युवक पक्राउ परेका छन् ।
गत असार २१ गते गुराँस गाउँपालिका-५ कुटिभैरीस्थित गोरेटो बाटो छेउको झाडीमा ती महिलालाई करणी गरेको आरोपमा सोही ठाउँका २५ वर्षीय तेजबहादुर नेपाली समातिएका हुन् ।
जिल्ला प्रहरी कार्यालय दैलेख र प्रहरी चौकी माथिल्लो डुङगेश्वलरबाट खटिएको प्रहरी टोलीले हिजो साँझ नेपालीलाई नियन्त्रणमा लिएको बताएको छ ।
टिप्पणीहरू