सीतालाई श्रद्धाञ्जली दिन प्रितम सिंह पेरिसडाँडामा

पछिल्लो समय नेपाली राजनीतिमा एकाएक चर्चामा आएका सरदार प्रितम सिंहले माओवादी केन्द्रका अध्यक्ष तथा प्रधानमन्त्री पुष्पकमल दाहाल प्रचण्डकी जीवनसंगिनी स्वर्गीय सीता दाहाललाई श्रद्धाञ्जली दिएका छन् । माओवादी मुख्यालय पेरिसडाँडा पुगेर उनले सीताको पार्थिव शरीरमा फूल चढाएर श्रद्धाञ्जली अर्पण गरेका हुन् । 

भारतबाट नेपाल आई तीनपुस्ता यतै बिताएका सरदार प्रितम र प्रधानमन्त्री प्रचण्डबीच घनिष्ट पारिवारिक सम्बन्ध रहेको बताइन्छ । सोही कारण उनी माओवादी केन्द्रले आयोजना गरेको श्रद्धाञ्जली सभामा सहभागी भएका हुन् । 

प्रधानमन्त्री प्रचण्डले हालै आफूलाई प्रधानमन्त्री बनाउन प्रितम पटक–पटक दिल्ली गएको बताएपछि चर्को विवाद भएको थियो । संसद बैठकसमेत झण्डै एक सातासम्म सोही कारण अवरुद्ध भएको थियो ।