बिमस्टेक बैठकमा परराष्ट्रमन्त्रीले भारतीय समकक्षीसँग साइडलाइन वार्ता गर्ने
बहुक्षेत्रीय प्राविधिक तथा आर्थिक सहयोगका लागि बङ्गाल खाडीको प्रयास (बिम्स्टेक) सदस्य मुलुकका विदेश मन्त्रीहरुको एक दिने बैठक सकिएको छ । बैठकमा सदस्य मुलुकहरुबीच आपसी सहयोग सुदृढ पार्ने उपाय पहिल्याउनेमा सहमति भएको छ ।
नेपालको तर्फबाट परराष्ट्रमन्त्री एनपी साउदले भाग लिनुभएको छ । छलफलमा ऊर्जा सहयोग, प्रसारण लाइन विस्तार, जलवायु परिवर्तन, स्वास्थ्य र खाद्य सुरक्षा तथा प्रविधिसहितका क्षेत्रबारे पनि चर्चा भएको बताइन्छ ।
बिम्स्टेकमा नेपाल, भारत, भुटान, बङ्गलादेश, श्रीलङ्का, थाइल्याण्ड र म्यानमार सदस्य छन् । आज परराष्ट्रमन्त्री साउद र भारतीय विदेशमन्त्री एस जयशंकरबीच ‘साइडलाइन’ भेटवार्ता हुने कार्यक्रम छ ।
परराष्ट्रमन्त्री साउद भोलि स्वदेश फर्कनुहुने छ ।
टिप्पणीहरू