बालुवाटारमा शोकसभा,सानेपामा लाइभ बैठक

नेपाली काँग्रेस केन्द्रीय कार्यसमितिको बैठक आजलाई डाकिएको छ । गत साता स्थगित बैठक दिउँसो १ बजे पार्टी केन्द्रीय कार्यालय सानेपामा राखिएको छ ।

काँग्रेस बैठक ठ्याक्कै एक वर्षपछि बस्न लागेको हो । यसअघि पछिल्लो पटक गत वर्ष साउन २ गते बैठक बसेको थियो ।

हिजो साँझ सभापति शेरबहादुर देउवाको चप्पल कारखानास्थित निवासमा बसेको पदाधिकारी बैठकले १० वटा एजेण्डा तय गरेको छ । बैठक लाइभ प्रशारण गर्न सभापति देउवाले निर्देशन दिएपछि सोहीअनुसार फेसबुक पेजबाट लाइभको तयारी गरिएको बताइएको छ । 

यता प्रधानमन्त्री निवास बालुवाटारमा आज बिहान ११ बजे शोक सभा राखिएको छ । प्रधानमन्त्री तथा माओवादी अध्यक्ष पुष्पकमल दाहाल प्रचण्ड पत्नी सीता दाहालको निधनको सातौं दिनको अवसरमा शोकसभा हुन लागेको हो ।