पाँचखालमा सवारी दुर्घटना, ट्रिपर चालकको ज्यान गयो
काभ्रेपलाञ्चोकको पाँचखालमा दुई वटा ट्रिपर ठोक्किँदा एक जनाको मृत्यु भएको छ । हिजो राति साढे १० बजे पाँचखाल नगरपालिका वडा नम्बर–४, जिरोकिलोतर्फ जाँदै गरेको बा.२ क ३७६९ नम्बरको खाली ट्रिपर र विपरीत दिशाबाट आउँदै गरेको बा.प्र.०१–००४क १४७८ नम्बरको लोड गरिएको ट्रिपर एकापसमा ठोक्किँदा एक जनाको ज्यान गएको हो ।
ठक्करबाट गम्भीर घाइते भएका बा.२ क ३७६९ नम्बरको ट्रिपर चालक ३८ वर्षीय मियौ लामाको आज बिहान धुलिखेल अस्पतालमा उपचारको क्रममा ज्यान गएको हो । रामेछापको दोरम्बा गाउँपालिका वडा नम्बर–१ का लामाको टाउको र गोडाको भित्री भागमा गम्भीर चोट लागेको थियो ।
आज बिहान चार बजेर ५ मीनेटमा चिकित्सकले उनलाई मृत घोषित गरेका हुन् । त्यस्तै, अर्का ट्रिपर चालक सिन्धुपाल्चोकको चौतारा साँगागढी नगरपालिका वडा नम्बर–११ का २७ वर्षीय जितबहादुर माझी प्रहरी चौकी, पाँचखालको नियन्त्रणमा छन् ।
टिप्पणीहरू