इलाका प्रहरीका इञ्चार्जको लाश भेटियो
बागलुङमा एक जना प्रहरी वरिष्ठ नायव निरीक्षक (वरिष्ठ सई) मृत फेला परेका छन् । इलाका प्रहरी कार्यालय भीमगिठेका इञ्चार्ज उज्ज्वल पौडेल स्थानीय खाजा घरमा मृत अवस्थामा भेटिएका हुन् ।
उनी बडिगाड गाउँपालिका ६ स्थित आशा होटल एण्ड खाजा घरमा मृत भेटिएको खबर प्रहरीले मध्यरातमा पाएको थियो ।
प्रहरीले खाजा घरका सञ्चालक आशा कुँवर र उनका छोरालाई नियन्त्रणमा लिएको जिल्ला प्रहरी कार्यालय बागलुङले बताएको छ । घटनास्थलतर्फ जिल्ला प्रहरी कार्यालयको टोली गइसकेको छ ।
टिप्पणीहरू