पाँचथरमा सवारी दुर्घटना : एकको निधन, दर्जन घाइते

पाँचथरको फिदिम नगरपालिका–२ मा भएको सवारी दुर्घटनामा एक जनाको निधन भएको छ । उक्त दुर्घटनामा १३ जना घाइते भएको बताइएको छ । 

स्थानीय कृष्णमन्दिर नजिकै मे.१ ज १९४१ नम्बरको बोलेरो जिप दुर्घटनामा परेको हो । झापाबाट पाँचथरतर्फ जाँदै गरेको उक्त जिप सडकबाट तल खसेको छ ।

चालकसमेत घाइते भएको उक्त दुर्घटनाका केहीलाई स्थानीय अस्पतालमा र केहीलाई थप उपचारको निम्ति अन्यत्र रिफर गरिएको प्रहरीले बताएको छ ।