जलविद्युतको पोखरीमा किशोरीको शव
मकवानपुरमा पोखरीमा डुबेको अवस्थामा एक किशोरीको शव फेला परेको छ । भीमफेदी गाउँपालिका ८, माण्डुस्थित माण्डु हाइड्रो पावरको पोखरीमा किशोरीको शव फेला परेको हो ।
जिल्ला प्रहरी कार्यालय मकवानपुरका अनुसार माण्डु हाइड्रो पावरको फोहोर संकलन गर्न बनाइएको पोखरीमा अन्दाजी १७ बर्षकी किशोरीको शव फेला परेको हो । सिस्नेरी प्रहरी चौकीबाट खटिएको टोलीले शवको मुचुल्का गरेपपिछ अनुसन्धान थालेको जिल्ला प्रहरी कार्यालयका प्रवक्ता डिएसपी टेकबहादुर कार्कीले बताए ।
बागमती खोला हुँदै माण्डु लगिएको पानीको बहावमा परेर वर्षेनी धेरै जनाको ज्यान जाने गरेको छ ।
टिप्पणीहरू