घाँस काट्न गएकी महिलाको घाँटी रेटियो
सल्यानमा एक महिला घाँटी रेटिएको अवस्थामा फेला परेकी छन् ।
शारदा नगरपालिका १४ मालनेटा, ढारखानी निवासी ३९ वर्षीया प्रमिला गिरीको शव आज बिहान गाउँ नजिकै फेला परेको हो । सबेरै घरबाट घाँस काट्न बारीमा पुगेकी उनी फर्केर नआएपछि परिवारले खोजबिन गर्दा बारीमा त्यस्तो अवस्थामा भेटिएको जनाइएको छ ।
घटनाको प्रकृति र शवको स्थिति हेर्दा घाँटी रेटिएको जस्तो देखिएको स्थानीयबासीले बताएका छन् । घटनास्थलमा जिल्ला प्रहरी कार्यालय सल्यानको टोली पुगेर प्रारम्भिक अनुसन्धान थालेको छ ।
टिप्पणीहरू