गाईभैँसी चराउन गएकी रुपमायालाई ढुंगाले थिच्यो
मकवानपुरमा गाईभैँसी चराउन जंगल गएकी एक महिलामाथि ढुंगा खसेको छ ।
ठूूलो ढुंगामाथि आराम गर्न बसिरहेका बेला सोही ढुंगाले किच्दा ज्यान गएको छ । उक्त घटना मकवानपुरको बकैया गाउँपालिका वडा नम्बर १ धियाँल डाँडामा भएको बताइएको छ ।
गाईभैँसी चराउँदै धियाँल डाँडाका एउटा ढुंगामा आराम गर्ने क्रममा ५१ वर्षीय रुपमाया लोको ज्यान गएको जिल्ला प्रहरी कार्यालय मकवानपुरले जनाएको छ । मृत अवस्थामा फेला पारिएकी रुपमायाको शवलाई आफन्तजनले घरमा ल्याएका थिए । घटनाबारे जानकारी पाएपछि प्रहरीले घटनास्थल पुगी शव पोस्टमार्टमका लागि हेटौँडा अस्पताल पुर्याएको छ ।
पूर्वी मकवानपुरको बारा जिल्लाको सीमानमा पर्ने घटनास्थलमा मकवानपुरबाट प्रहरी सजिलै पुग्न सक्ने अवस्था नरहेकाले इलाका प्रहरी कार्यालय निजगढबाट प्रहरी निरीक्षकको टोली घटनास्थल पुगेको थियो । सोही टोलीले आवश्यक मुचुल्कासहित शवलाई हेटौंडा अस्पतालततर्फ पठाएको हो ।
टिप्पणीहरू