भारतीय मोटरसाइकलको ठक्करबाट बालकको मृत्यु, चालक फरार

नवलपरासीमा मोटरसाइकलको ठक्करबाट एक बालकको ज्यान गएको छ । बर्दघाट नगरपालिका ६, बेतानीका ५ वर्षीय रोहित थारुको मोटरसाइकलको ठक्करबाट निधन भएको बताइएको छ । 

आज बिहान स्थानीय यूपी ५६ एबी ५६८३ नम्बरको मोटरसाइकलको ठक्करबाट गम्भीर घाइते भएका उनलाई तत्काल उपचारका लागि संजिवनी पोलिक्लिनिक पुर्याइएको थियो । थप उपचारको निम्ति रुपन्देहीस्थित देवदह मेडिकल कलेज लगिएकोमा उपचारको क्रममा मृत्यु भएको हो ।

प्रहरीले फरार मोटरसाइकल चालकको खोजी गरिएको र दुर्घटनाबारे थप अनुसन्धान गरिरहेको जनाएको छ ।